L.150

 

Il biscotto arrotolato della nonna



Sü’n cadreghin

davanti ala finestra dala cüsina

la tua vus la meschciava

la tua vus l’eva visina

Quatr’öf

Un zicc da limun

Dü cügiaa da zücur

Cinq da farina

la tua vus da luntan

incö la senti visina

Mett in furnu

prepara in prèsa

lè quasi mesdí

ai vegnan fö tüt da mesa

a sona i campan

lè tüta matina

a sona i campan

ta set la mia pinina

Metala sü ti la cunfitüra da brügn

l’è quela dala brüga induè croda gio i pomm

Metala denta ti ‘na rösa ‘n dal vaas

la ma porta scià tüt i vus dal paes

taiala gio ti ‘na feta da turta

güstala cun mi in questu dí da feschta.